Zgjedhjet Vendore 2023, miratohen kushtet dhe kriteret për presonelin që do të përdori paisjet elektronike të identifikimit të zgjedhësve

Aktualitet | 4 vite më parë

Komisioni Rregullator shqyrtoi dhe miratoi të premten ( 17 mars ) kushtet dhe kriteret që duhet të plotësojë personeli i kualifikuar për përdorimin e pajisjes elektronike të identifikimit të zgjedhësve në qendrën e votimit. Ai miratoi edhe procedurat e rekrutimit.

Pranimi i operatorëve teknikë do të bëhet në bazë të parimit të konkurrimit të hapur dhe aplikimi nga të interesuarit do të kryhet në faqen elektronike zyrtare të KQZ-së, në një rubrikë të veçantë të krijuar për këtë qëllim.

Shtetasit e përzgjedhur i nënshtrohen trajnimit dhe testimit të njohurive, për shërbimin si operator teknik. Procesi do të drejtohet, mbikëqyret dhe monitorohet nga Nënkomisioneri Shtetëror i Zgjedhjeve.

Komisioneri dhe Nënkomisioneri caktojnë operatorët teknikë jo më vonë se 7 (shtatë) ditë përpara ditës së zgjedhjeve.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.