11 trofe në 107’, Siti rinovon me “liderin” e Guardiolës

Angli | 2 vite më parë

Skot Karson do të thellojë rekordet e vendosura deri më tani pasi sot ka zgjatur kontratën me klubin e Mançester Sitit.

Portieri i tretë i klubit të sheikut të Abu Dabit ka vendosur që të rinovojë me një vit kontratën. Emri i Karson ka përfunduar shpesh herë në faqet e para të gazetave për shkak të raportit që kanë minutat e tij në fushë me trofetë e fituar.

Ai është aktivizuar shumë pak nga Guardiola, vetëm 107 minuta, ndërsa në palmaresin e tij numëron plot 11 trofe.

38-vjeçari iu bashkua Sitit në 2019 dhe deri më tani ka pranuar rolin e tij si zgjedhje e tretë, pas Ederson dhe Ortegës.

“Njerëzit nuk e shikojnë, por Karson është një lider i vërtetë”, ka thënë Josep Guardiola pak kohë më parë i pyetur për Karsonin.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.