120 automjete të blinduara për Ukrainën, Boris Johnson: Po trajnojmë ushtarët ukrainas për përdorimin e tyre

Botë | 5 vite më parë

Pasi Britania e Madhe i siguroi Ukrainës 120 automjete të blinduara, Kryeministri Boris Johnson ka bërë me dije se gjithashtu po trajnojnë edhe trupat ukrainase për përdorimin e tyre.

Gjatë vizitës së tij në Indi, Johnson tha se trupat ukrainase ndodheshin në Mbretërinë e Bashkuar për t’u trajnuar për stërvitje për të zmbrapsur trupat ruse.

“Mund të them se aktualisht po trajnojmë ukrainasit në Poloni për përdorimin e mbrojtjes kundërajrore, dhe në fakt në Mbretërinë e Bashkuar në përdorimin e automjeteve të blinduara”, tha ai para gazetarëve.

Britania i siguroi Ukrainës 120 automjete patrullimi të blinduara, duke përfshirë Mastiff.

Zëdhënësi i Kryeministrit tha se Britania dhe aleatët e saj po u siguronin ushtarëve ukrainas lloje të reja pajisjesh që mund të mos i kishin përdorur më parë, raporton BBC.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.