208 viktima nga tajfuni Rai që goditi Filipinet

Botë | 5 vite më parë

Ka shkuar 208 numri i viktimave nga tajfuni Rai në Filipine. Sipas raporteve të policisë kombëtare, të paktën 239 persona u plagosën dhe 52 rezultojnë të zhdukur për shkak të kalimit të tajfunit shkatërrues Rai nëpër rajonet jugore dhe qendrore të arkipelagut.

Më shumë se 300,000 njerëz u larguan nga shtëpitë e tyre të enjten pasi tajfuni arriti në qendër të vendit.

Një nga ishujt më të prekur nga Rai është Bohol, ku të paktën 80 njerëz kanë vdekur, tha guvernatori i provincës Arthur Yap. Shumë shtëpi u shkatërruan gjithashtu në ishujt Siargao, Dinagat dhe Mindanao, të shkatërruar nga stuhia që goditi vendin me erëra me shpejtësi 195 kilometra në orë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.