3 vatra aktive zjarri në qarkun Shkodër, një prej tyre në Zonën e Mbrojtur të Thethit

Aktualitet | 2 vite më parë

Në qarkun e Shkodrës janë aktive 3 vatra zjarri, të cilat ndodhen nën monitorim për shkak të terrenit të vështirtë për të ndërhyrë.

Një nga vatrat e zjarrit ka rënë në zonën e mbrojtur të Thethit. Zjarri po mbahet nën monitorim nga punonjësit e shërbimeve zjarrfikëse dhe banorët e zonës, ku pritet që të bëhet edhe izolimi i saj.

Një tjetër vatër aktive është në fshatin Kaprre që është izoluar dhe po punohet për shuarjen e flakëve.

Zjarr ka rënë edhe në fshatin Gjuraj të Njësisë Administrative Pult. Për shkak të terrenit shkëmbor ndërhyrja për shuarjen e tyre është e pamundur për të ndërhyrë nga toka.

Shërbimi zjarrfikës dhe emergjencat civile po mbajnë nën monitorim situatën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.