Central eolik në Fier, qeveria miraton vendimin

Ekonomi | 5 vite më parë

Qeveria miratoi të mërkurën vendimin për ndërtimin e centralit gjenerues të energjisë elektrike eolike dhe veprave ndihmëse, në fshatin Grykë, njësia administrative Topojë, bashkia Fier.

Sipas këtij vendimi, ndërtimi do të bëhet nga shoqëria “Natyral Energy System”, sh.p.k. dhe centrali do të ketë një kapacitet të instaluar prej 3 MW.

Koha për ndërtimin dhe vënien në operim të parkut eolik do të jetë brenda 48 muajve nga marrja e lejes së ndërtimit.

Shoqëria “Natyral Energy System”, sh.p.k. duhet t’i japë falas, ministrisë përgjegjëse për energjinë, sasinë e energjisë elektrike, në masën 2 % të sasisë vjetore të prodhimit të energjisë elektrike ose konvertimin e saj në vlerë monetare.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.