Bonot e thesarit, norma e interesit u rrit në 1.59%

Ekonomi | 5 vite më parë

Bonot e thesarit me maturim 12-mujor u emetuan me një normë interesi mesatar prej 1.59%, nga 1.57% që ishte ky tregues në ankandin e mëparshëm.

Banka e Shqipërisë bëri të ditur se, në ankand u emetua e gjithë vlera e parashikuar prej 9.2 miliardë lekësh, ndërsa vlera totale e kërkesave të paraqitura ishte 10 miliardë lekë.

Ekspertët e bankës shprehen se, rritja graduale e normave të interesit për bonot e thesarit, në muajt e parë të këtij viti është e pritshme.

Sipas tyre, kjo lidhet me një rritje graduale të normave të interesit në tregjet financiare, teksa edhe Këshilli Mbikqyrës i BSH-së ka dhënë sinjale për rritjen e normës bazë të lekut për periudhën në vijim.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.