Investimet në pasuritë e paluajtshme, 61 milionë euro

Ekonomi | 5 vite më parë

Pasuritë e paluajtshme kryesojnë rritjen e investimeve të huaja direkte në tremujorin e tretë të vitit, shkruan ATSH.

Banka e Shqipërisë bën të ditur se, fluksi i investimeve të huaja në sektorin e pasurive të paluajtshme arrin në vlerën 61 milionë euro, ose 154% më shumë krahasuar me të njëjtën periudhë të vitit të kaluar.

Për 9-mujorin, investimet në këtë sektor kanë arritur vlerën e 141 milionë eurove, në rritje vjetore me 171%, bën të ditur BSH-ja.

Pasuritë e paluajtshme janë këtë vit sektori i dytë për nga pesha e investimeve të huaja direkte, pas industrisë nxjerrëse.

Rritja e çmimeve në tregun e pasurive të paluajtshme duket se po tërheq jo vetëm investimet vendase, por edhe kapitalet e shtetasve të huaj. (Sipas ATSH)

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.