Kryeministri Edi Rama ka publikuar pamje nga rruga e sapopërfunduar Dukaj-Sinanaj e cila lidh Tepelenën me Rivierën shqiptare.

Punimet për këtë vepër rrugore ku nuk ishte vënë dorë që prej vitit 1920, kanë nisur në dhjetor të 2020-ës me një investim rreth 3.7 milionë euro.

Ky aks 14,5 km i gjatë, i vjen në ndihmë edhe sektorit bujqësor, edhe atij agroturistik.

Rruga ndjek gjurmën e vjetër që është ndërtuar nga italianët që në vitin 1920, por është investuar në ndërtimin e saj, duke siguruar të gjithë elementët teknikë të sigurisë rrugore.

Rruga, jo vetëm lehtëson lëvizjen, por edhe daljen më lehtë e më shpejt të prodhimeve të zonës dhe lidhjen e saj me ekonominë turistike të Rivierës shqiptare.

Zoti Rama shprehet se rruga e sapopërfunduar Dukaj-Sinanaj, e cila lidh Tepelenën me bregdetin dhe krijon një tjetër hapësirë zhvillimi turistik e bujqësor të Shqipërisë rurale.