Unaza e Re, përfundon legalizimi për 232 njesi banimi

Ekonomi | 5 vite më parë

Drejtori i Përgjithshëm i Kadastrës, Artan Lame i shoqëruar nga drejtori, Artur Çobani, kanë marrë pjesë në përfundimin e procesit të legalizimit për dy objekte në zonën e Unazës se Re.
Zona e Unazës së Re, e cila dikur administrohej nga Komuna Kashar, ka me dhjetëra pallate që kanë filluar 10-15 vjet të shkuara nga ndërtues që më pas i kanë braktisur pasi i kanë shitur, duke krijuar një plage sociale shumë të theksuar.
Kreu i Kadastrës Lame ju ka bërë thirrje banorëve, të cilët nuk e kanë më suportin e investitorit për t’i pajisur me certifikatë pronësie, të bëhen bashkë për ta përfunduar vetë në bashkëpunim me drejtorinë vendore.
Kreu i Kadastrës informoi banorëve se pas afatit 30 ditor te legalizimit të aplikojnë nga portalin e-Albania për t’u pajisur me certifikatën e pronësisë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.