Muaji i fundit i marrëveshjes, naftëtarët e Ballshit: “Në nëntor, pa paga. Të ulemi në tryezë për zgjidhje”

Ekonomi | 5 vite më parë

Naftëtarët e Fierit kërkojnë uljen në tryezën e bisedimeve për zgjidhjen e problemit të pagesës së tyre, pasi në muajin nëntor përfundon marrëveshja e rreth një vit më parë dhe ata mbeten pa paga.
Kreu i Sindikatës, Sokol Dautaj thekson se edhe pakti i vitit të kaluar nuk ishte zgjidhje nga ana financiare pasi 550 naftëtarë nuk dalin në pension.
Në muajin nëntor të vitit të shkuar, Këshilli i Ministrave miratoi vendimin për ndihmën financiare për punonjësit e rafinerisë së Ballshit, për të cilët u dha nga një pagë prej 40 mijë lekësh në muaj, për një periudhë 1-vjeçare.
Kjo çoi edhe ndërprerjen e protestave nga ana e tyre, por me përfundimin e marrëveshjes, nuk dihet ende se cili do jetë hapi i radhës që ata do ndërmarrin.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.