Çelet ekspozita tek COD-i. Arkivi Shtetëror digjitalizon arkivin e Ismail Kadaresë

Kulturë | 2 vite më parë

Arkivi personal i gjeniut të letrave shqipe, Ismail Kadaresë tashmë do të jetë pjesë edhe e Arkivit Shtetëror.

Rreth 44 500 faqe, ku përfshihen romane të pabotuara, poezi dhe skica, që përcjellin të gjithë kalvarin e krijimtarisë së shkrimtarit, duke nisur që në moshën 11-vjeçare dhe deri në fund të jetës, janë restauruar dhe digjitalizuar nga Arkivi shtetëror, aty ku do të ruhet përjetësisht e gjithë kryevepra e Kadaresë.

Por i gjithë ky fond i krijimtarisë së panteonit të letrave shqipe është i ekspozuar edhe në Qendrën për Hapje dhe Dialog në Kryeministri, ku shpalosen dorëshkrimet dhe pjesë nga vepra të pabotuara më parë.

Kjo është një mundësi e rrallë për publikun, që në ditët në vijim të eksplorojë botën e panjohur të Kadaresë, veprat dhe shënimet që ndriçojnë procesin e tij krijues.

Gazetare: Ornela Ceka

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.