Aktori Will Smith refuzoi një kërkesë për t’u larguar nga ceremonia e Oskarit të së dielës pasi goditi prezantursin Chris Rock, tha të mërkurën Akademia e Arteve dhe Shkencave të Filmit.

“Gjërat u shpalosën në një mënyrë që nuk mund ta kishim parashikuar,” tha Akademia e Filmit në Hollywood.

“Ndërsa ne do të donim të sqaronim se zotit Smith iu kërkua të largohej nga ceremonia dhe refuzoi, ne gjithashtu e kuptojmë se mund ta kishim trajtuar situatën ndryshe”, shtoi ai.

Akademia tha se kishte filluar një proces që mund të çonte në përjashtimin e Smith nga grupi.

Pezullimi, përjashtimi ose sanksione të tjera mund të miratohen në mbledhjen e ardhshme të bordit të organit të caktuar për 18 prill.

Të dielën, gjatë  trasmentimit të drejtpërdrejtë të Oscars, Smith u ngjit në skenë dhe goditi Rock-un në fytyrë pasi komediani bëri një shaka për paraqitjen e gruas së Smith.

Rock bëri shaka me Jada Pinkett Smith, teksa i referohej filmit të vitit 1997 “GI Jane” në të cilin aktorja Demi Moore kishte rruar kokën.

Jada Smith, koka e së cilës është e rruar, në të kaluarën ka folur për diagnozën e saj të alopecisë – një sëmundje që shkakton rënien e flokëve.

Pasi goditi Rock-un në skenë, Smith u kthye në vendin e tij dhe i bërtiti dy herë humoristit një turp.

Vetëm një orë pas incidentit, Smith fitoi trofeun për aktorin më të mirë, duke shkaktuar pyetje se pse ai nuk ishte shoqëruar nga vendi i ngjarjes.

Të hënën, Smith lëshoi një deklaratë duke i kërkuar falje Rock-ut, akademisë dhe shikuesve.

Ai tha se ishte “jashtë linjës” dhe “reagoi emocionalisht”.

Sipas protokollit të akademisë, Smith ka mundësinë të paraqesë një përgjigje me shkrim përpara se grupi të ndërmarrë veprime.