Raportet mes kryeministrit shqiptar Edi Rama dhe eurodeputetit të Demokracisë së Re në Greqi, Fredi Beleri, i zgjedhur kryebashkiak i Himarës, por i dënuar me 2 vite burgim për blerjen e votave  në zgjedhjet vendore të 14 majit 2023, ishin në vemendjen e emisionit 3D në RTSH 1 HD të drejtuar nga gazetarja Sonila Agostini. 

Sekretari i Omonias Marin Suli, krahu i djathtë i zotit Belerit, la të kuptohet se zoti Rama e ka shmangur takimin me eurodeputetin grek. 

Me doza jo të vogla ironie dhe ofendimi zoti Suli tha se kryeministri shqiptar Rama shkoi në Rogner sepse e dinte që Beleri nuk ishte aty. Ai, tha Suli, u përpoq ta kalonte situatën me batuta të një karikaturisti të dështuar. 

“Kryeministri i vendit gënjen” tha Sekretari i Omonias Marin Suli. “Shqiptarët po ikin nga Shqipëria se nuk kanë bukë të hanë” tha ai në konkluzion të situatës sipas tij shumë të vështirë në vend. Suli tha se Rama është një kryeministër amator konkludoi ai.

/ rtsh.al /