Protesta e opozitës më 29 tetor shtrihet në akset kryesore të vendit

Politikë | 2 vite më parë

Kryesia e Partisë Demokratike ka vendosur që protesta e paralajmëruar e 29 tetorit të shtrihet në të gjithë vendin.

Kreu i Grupit Parlamentar të PD-së, Gazment Bardhi, ka lajmëruar se të martën, ora 17:00, protesta do të zbresë në akset kryesore të vendit.

Protestuesit do të jenë të shpërndarë në segmentin “Casa Italia–Sheshi Shqiponja” dhe në rrethrrotullimet e Milotit, Shkozetit, Bradasheshit; Rrogozhinës dhe Levanit.

“Të bëhemi të gjithë bashkë për t’i dhënë fund kapjes së shtetit dhe për t’i hapur rrugë zgjedhjeve të lira e të ndershme, të pandikuara nga krimi i organizuar dhe paratë e korrupsionit”, bën thirrje Bardhi në postimin në rrjetet sociale.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.