Presidenti turk në Tiranë, Erdoan takim kokë më kokë me Ramën në kryeministri

Politikë | 2 vite më parë

Presidenti turk, Rexhep Tajip Erdoan pas takimit me homologun Bajram Begaj, është pritur në kryeministri nga kreu i qeverisë Edi Rama.

Erdoan dhe Rama po zhvillojnë një takim kokë më kokë, ndërsa rreth orës 14:35 pritet të dalin edhe në një konferencë të përbashkët për shtyp.

Sipas axhendës, Presidenti turk gjithashtu do të marrë pjesë pasditen e sotme në inaugurimin e Xhamisë së Namazgjasë, e cila ndodhet pranë Parlamentit shqiptar.

Erdoan mbërriti paraditen e sotme (10 tetor) në Tiranë, ku u prit në aeroportin e Rinasit nga Ministri i Jashtëm, Igli Hasani. Më pas, Erdoan u prit me ceremoni zyrtare në Presidencë, ku zhvilloi edhe një takim kokë më kokë me Presidentin Begaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.