Grosu uron Spiropalin: Avancojmë bashkëpunimin dhe dialogun dypalësh parlamentar

Politikë | 2 vite më parë

Kryetari i Parlamentit të Moldavisë, Igor Grosu i dërgoi një letër urimi Kryetares së Kuvendit, Elisa Spiropali, me rastin e zgjedhjes në detyrë.

“Në emër të Parlamentit të Republikës së Moldavisë dhe në emrin tim personal, ju shpreh urimet e sinqerta për zgjedhjen Kryetare e Kuvendit të Republikës së Shqipërisë dhe ju uroj suksese e arritje të shënuara në veprimtarinë parlamentare”, shkruan Grosu.

Kryetari i Parlamentit të Moldavisë shpreh vullnetin për të avancuar bashkëpunimin dhe dialogun dypalësh parlamentar.

“Jam i bindur se përpjekjet tona të përbashkëta do të krijojnë kushtet e nevojshme për zgjerimin e bashkëpunimit parlamentar në të mirë të vendeve dhe njerëzve tanë”, shkruan në letrën e urimit Kryetari i Parlamentit të Moldavisë, Igor Grosu.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.