Hasani: Krenar për ambasadorët shqiptarë në portat ajrore të botës

Politikë | 2 vite më parë

Ministri për Evropën dhe Punët e Jashtme, Igli Hasani ka ndarë sot në rrjetet sociale shembullin e një të riu, shqiptar nga Maqedonia e Veriut, Albert Sulejmanit, i cili prej vitesh punon në aeroportin e Frankfurtit.

“Ky është Albert Sulejmani, bashkëkombasi ynë lindur e rritur në Maqedoninë e Veriut, babai i një vajze të vogël, i cili flet 7 gjuhë të huaja e që prej vitesh punon në aeroportin e Frankfurtit”, u shpreh Hasani, në një postim në rrjetet sociale.

E takoj sa herë ndaloj tranzit në këtë aeroport, shkruan ministri Hasani, duke shtuar se gjatë udhëtimeve të punës me shqipen e tij të pastër, me mirësjelljen dhe kulturën e komunikimit, të bën të ndjehesh krenar për të gjithë ata djem e vajza kudo ku punojnë.

“Duke u bërë ambasadorët shqiptarë në të gjitha portat ajrore të botës”, shkruan Hasani.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.