Prokuroria e Posaçme kundër Korrupsionit dhe Krimit të Organizuar i ka dërguar Kuvendit një shkresë ku kërkon ndryshim të masës së sigurisë për ish-kryeministri Sali Berisha në lidhje me çështjen e Privatizimit të ish-kompleksit Partizani.

Sipas shkresës së siguruar nga RTSH, bëhet me dije se SPAK i ka kërkuar Kuvendit masë të re “arrest shtëpie” për ish-kryeministrin, masa e të cilit ka qenë ‘detyrim paraqitje’.

Kujtojmë se ish-kryeministri ka refuzuar tre herë të paraqitet në SPAK. Hera e fundit kur Berisha duhej të paraqitjen në SPAK ishte data 4 dhjetor.

Sipas SPAK, Berisha ka kryer veprime aktive për miratimin e një sërë ligjesh dhe aktesh nënligjore, me qëllim përshtatjen e tyre sipas nevojave që paraqiteshin për pesë familjet e njohura pronare, ku fitues i drejtpërdrejtë rezultonte të ishte bashkëshorti i vajzës së tij, Jamarbër Malltezi.

/rtsh.al/