Çështja “McGonigal” dhe deklaratat e opozitës, kanë qenë sërish në qendër të një reagimi të kryeministrit, Edi Rama. Me anë të një komenti në Twitter, Rama e ka cilësuar opozitën si “të mjerë” dhe “të degraduar”, lidhur me akuzat e saj në adresë të tij. 

Sipas Ramës, të gjitha denoncimet dhe akuzat e opozitës janë “gënjeshtra”, duke shtuar se “asnjëherë nuk ka pasur një opozitë që e ka ndotur mjedisin publik më keq se tani”.

“Kurrë më e mjerë, më e degraduar, më e shfytyruar dhe çekuilibruar s’është shfaqur ndonjëherë politika opozitare me altoparlantët e saj; kurrë boshllëku i ideve, kapsllëku i komunikimit, sasia e gënjeshtrave dhe budallallëqeve të lëshuara në ajër nuk kanë qenë kaq të qametshme!”- shkruan Rama.

Sipas tij, asnjëherë, asnjë opozitë e asnjë kohe deri sot, nuk e ka ndotur kaq keq mjedisin publik, ashtu e shtrirë në tërë kanalet e komunikimit me gjuhën jashtë dhe me trupin që  përpëlitet nga fabrikimi non stop i pisllëqeve më ekstreme.

 “Kjo është pasoja e puthjes fatale me një të vdekur” – shkruan Rama në Twitter.

/rtsh.al/