Kryeministri, Edi Rama, ka uruar Benjamin Netanyahu, pasi fitoi mandatin tuaj të 6-të si kryeministër i Izraelit. Në një postim në Twitter, Rama shkruan se përvoja e Netanyahu si kryeministër do të shërbejnë si një vlerë e madhe e shtuar jo vetëm për Izraelin, por edhe për Lindjen e Mesme dhe Evropën. Rama mirëpret Netanyahu, të vizitojë Shqipërinë.

“Urime Benjamin Netanyahu në mandatin tuaj të 6-të si udhëheqës i Izraelit. Shpresoj shumë që mençuria dhe përvoja juaj e madhe do të shërbejnë si një vlerë e madhe e shtuar jo vetëm për Izraelin, por edhe për Lindjen e Mesme dhe Evropën! Dhe uroj që më në fund të mbani premtimin për të vizituar Shqipërinë”, ka shkruar Rama.

Benjamin Netanyahu është rikthyer në pushtet si kryeministër i Izraelit për herë të gjashtë, pasi u betua në parlamentin e vendit. Qeveria e re e Netanyahu-t u miratua me 63 vota pro në kuvendin prej 120 vendesh, ndërsa 54 ligjvënës e kundërshtuan.

/rtsh.al/