Shqip
English
Français
Deutsch
Ελληνικά
Italiano
Srpski
TürkçeHodhi mikrofonat dhe dosjet tek “Ligjet”, Gazment Bardhi përjashtohet për 5 ditë nga Kuvendi
Deputeti i Partisë Demokratike Gazment Bardhi është përjashtuar për 5 ditë nga Kuvendi. Ky vendim vjen pas veprimit të pahijshëm të tij kundrejt kryetares së Komisionit të Ligjeve, Klotilda Bushkës. Kalimi për votim të projektiligjit për Portin e Durrësit, solli revoltimin e deputetit të Partisë Demokratike, Gazment Bardhi, duke hedhur mikrofonat dhe shkresat e dosjeve drejt Kryetares së Komisionit.
Vendimi për përjashtim hyn në fuqi të premten.
“Në këtë mbledhje deputeti Bardhi përdori gjuhë jo parlamentare ndaj Kryetares së Komisionit, shoqëruar me veprime agresive, duke dëmtuar paisjet audio në sallën e mbledhjes së komisionit, si dhe keqpërdori dokumentacionin e mbledhjes, duke i hedhur shkresat e mbledhjes drejt Kryetares së Komisionit.
Bazuar në Rregulloren e Kuvendit, neni 63 pika ç dhe neni 65/1, Sekretariati vendosi me 3 vota Pro dhe 2 Kundër, marrjen e masës disiplinore “Përjashtim nga pjesëmarrja në komisione dhe në seanca plenare për 5 (pesë) ditë”, për deputetin z. Gazmend Bardhi. Vendimi hyn në fuqi më datë 18.11.2022”, thuhet në njoftim.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
Të ngjashme
Të fundit
Më të lexuarat
