Raporti mbi ecurinë e Shqipërisë drejt anëtarësimit në BE, Kim takon ambasadoren Hohmann

Politikë | 4 vite më parë

Raporti mbi ecurinë e Shqipërisë drejt anëtarësimit në Bashkimin Evropian, ka qenë sot në fokus të një takimi mes ambasadores së SHBA-së, Yuri Kim, me ambasadoren e BE-së, Christiane Hohmann.

Ambasadorja amerikane ka shpërndarë edhe një foto nga ky takim, të cilin e ka komentuar si “diskutim i mirë”. Kim ka theksuar edhe një herë se “SHBA do të vazhdojë të mbështesë fuqishëm reformat dhe masat e tjera të nevojshme për anëtarësimin e plotë të Shqipërisë në BE”.

“Diskutim i mirë sot me ambasadoren Hohmann pas raportit të parë mbi përparimin e Shqipërisë drejt anëtarësimit në BE që nga fillimi i negociatave në korrik. SHBA do të vazhdojë të mbështesë fuqishëm reformat dhe masat e tjera të nevojshme për anëtarësimin e plotë të Shqipërisë në BE, përfshirë reformën në drejtësi”,- shkruan ambasadorja Kim.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.