Peleshi: Aneksimi i katër rajoneve të Ukrainës nga Rusia është i paligjshëm

Politikë | 4 vite më parë

Ministri i Mbrojtjes, Niko Peleshi, përmes një postimi në Facebook, ka reaguar, lidhur me aneksimin e katër rajoneve të Ukrainës nga Rusia. Peleshi e cilëson këtë akt si veprim të paligjshëm, duke nënvizuar se “qëndrimi i Shqipërisë është i qartë, krah SHBA-së, BE-së e NATO-s”.

“Aneksimi i katër rajoneve të Ukrainës është i paligjshëm. Qëndrimi i Shqipërisë është i qartë, ashtu si ai i SHBA, Bashkimit Evropian, NATO-s dhe shteteve të tjera demokratike. Kundërshtojmë pa mëdyshje këtë veprim të njëanshëm të Rusisë, që shkel hapur të drejtat themelore të Ukrainës për pavarësi, sovranitet dhe integritet territorial”,-shkruan Peleshi.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.