Presidenti italian mbërrin në Shqipëri, pritet në aeroport nga ministrja Kushi dhe ambasadori italian

Politikë | 4 vite më parë

Presidenti italian, Sergio Mattarella, ka mbërritur në Shqipëri mbrëmjen e kësaj të mërkure, në kuadër të vizitë zyrtare 2 ditore në vendin tonë. Presidenti italian është pritur në aeroportin ndërkombëtar ‘Nënë Tereza’ nga ministrja e Arsimit Evis Kushi dhe ambasadori italian në vendin tonë, Fabrizio Bucci.

“Ishte një nder për mua që së bashku me ambasadorin italian mirëpritëm Presidentin e Republikës së Italisë z.Sergio Mattarella dhe Ministren e Universitetit dhe Kërkimeve Znj. Maria Cristina Messa”, shkruan Kushi në një postim në Tëitter.

Kjo është vizita e parë zyrtare e Presidentit italian në Shqipëri, ndërsa ditën e nesërme Mattarella do të pritet nga kreu i shtetit Bajram Begaj me ceremoni shtetërore në Pallatin e Brigadave në orën 10: 00. Gjatë kësaj vizite dy ditore Presidenti Mattarella do të zhvillojë takime edhe me zyrtarë të lartë të shtetit shqiptar.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.