Vuçiç poston foto me Ramën nga Beogradi: Krenar për miqësinë me Shqipërinë që kemi krijuar vitet e fundit

Politikë | 4 vite më parë

Kryeministri Edi Rama vijon të jetë në Beograd, ku u zhvillua këtë të premte Samiti i Ballkanit të Hapur, ndërsa duket se pasditen, kreu i qeverisë shqiptare, e ka shfrytëzuar për të parë bukuritë e Serbisë. Presidenti serb, Aleksander Vuçiç ka postuar një foto me Ramën, teksa shihen të ulur në një lokal buzë lumit Sava.

“Krenar për Beogradin për ujin dhe miqësinë me Shqipërinë që kemi krijuar vitet e fundit”, shkruan Vuçiç në postim.

Tre vendet anëtarë të Open Balkan, Shqipëria, Serbia dhe Maqedonia e Veriut, firmosën sot në Beograd një sërë marrëveshjesh të rëndësishme, mes të cilave marrëveshja për tregtinë pa kufizime të ushqimeve, atë të bashkëpunimit në kinematografi e aktivitete audio-vizuale në Ballkanin Perëndimor, marrëveshja në fushën e energjetikës dhe për bashkëpunim në fushat e emergjencave civile.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.