Presidenti i SHBA-së ka reaguar publikisht lidhur me deklaratat e Zëvendëspresidentit JD Vance, i cili fajësoi konfliktin ushtarak me Iranin për humbjet e thella të Partisë Republikane në zgjedhjet e mesmandatit.

I pyetur nga gazetarët gjatë një inspektimi të punimeve për sallën e re të vallëzimit në Shtëpinë e Bardhë, Presidenti u shpreh se “mendoj se është kryesisht e vërtetë sepse e rriti pak koston në planin afatshkurtër”.

Pavarësisht pranimit të kostos politike dhe pakënaqësisë së shfaqur nga votuesit amerikanë me zhvillimet ushtarake, Trump mbrojti vendimmarrjen e administratës së tij për përshkallëzimin e veprimeve ushtarake.

“Gjënë me Iranin, ne duhej ta bënim dhe vazhdojmë ta bëjmë”, deklaroi ai para reporterëve.

Po ashtu, në kuadër të diskutimeve për pakënaqësinë e publikut ndaj luftës, Presidenti konfirmoi se nuk po shqyrton zëvendësimin e Sekretarit të Mbrojtjes, Pete Hegseth, duke i dhënë fund spekulimeve për ndryshime në kabinetin e tij.

/rtsh.al/