Shtyrja e reciprocitetit me Serbinë, presidenti Begaj telefonon Osmanin: Vendim i duhur

Politikë | 4 vite më parë

Presidenti Bajram Begaj ka zhvilluar një bisedë telefonike me Presidenten e Kosovës Vjosa Osmani, pas situatës së tensionuar të Kosovës.

Begaj vlerëson si veprim të duhur maturinë e autoriteteve të Kosovës për shtyrjen e zbatimit të reciprocitetit me Serbinë.

Për Begaj Kosova është tashmë një realitet i pakthyeshëm politik, kontribues për paqen dhe stabilitetin në rajon dhe sovraniteti i saj mbetet i pacënueshëm.

“Në bisedën telefonike me homologen Vjosa Osmani vlerësova maturinë e autoriteteve të Kosovës dhe partnerëve ndërkombëtarë, për shtyrjen e zbatimit të reciprocitetit me Serbinë për çështjet e dakordësuara më herët. Kosova është tashmë një realitet i pakthyeshëm politik, kontribues për paqen dhe stabilitetin në rajon dhe sovraniteti i saj mbetet i pacënueshëm.“- shkruan Bajram Begaj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.