Lëvizja Socialiste për Integrim nuk do të ketë më emrin me të cilin ajo u themelua

Politikë | 4 vite më parë

Lëvizja Socialiste për Integrim duket se nuk do të ketë më emrin me të cilin ajo u themelua. Kjo u bë e qartë në Konventën Kombëtare të kësaj partie, e cila ka nisur punimet pak minuta më parë. Paraprakisht, për ndryshimin e emrit, u votua për ndryshimin e 2 neneve në statut, që jep të drejtën Konventës që të ndryshojë emrin, vulën, si dhe simbolet e partisë.

Silva Caka lexoi para të pranishmëve ndryshimet statutore, ku një prej tyre është ndryshimi i emrit të partisë.

“Jam këtu për t’u njohur me disa ndryshime në statutin e LSI. Konventa Kombëtare e LSI-së, bazuar në nenin 11.7 të statutit të saj propozon: Konventa ka të drejtën e ndryshmit të emrit dhe vulës së parisë. Ka të drejtën e ndryshimit të strukturave të përkohshme”, tha ajo.

Gjatë Konventës, emri i ri i LSI-së nuk është bërë ende publik nga zyrtarët e saj.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.