LSI mban sot Konventën Kombëtare, Ilir Meta rikthehet në parti një ditë pasi la Presidencën

Politikë | 4 vite më parë

Lëvizja Socialiste për Integrim mban më 25 korrik Konventën Kombëtare, ku do i bashkohet edhe Ilir Meta, një ditë pasi mbaroi mandatin e Presidentit. Konventa do të zhvillohet në orën 19.00 në Pallatin e Kongreseve.

Meta i bashkohet Konventës së partisë që e themeloi vetë me një fjalim, ndërsa fjalën do e mbajnë edhe drejtues të rëndësishëm të kësaj partie.

Kjo konventë do të shërbejë për ridemensionimin e LSI-së dhe riorganizim të gjithë strukturave për t’u përgatitur për zgjedhjet lokale 2023.

Vetë ish-presidenti Ilir Meta ka publikuar mëngjesin e sotëm një foto së bashku me drejtuesen e LSI, njëherësh bashkëshortja e tij, Monika Kryemadhi me diçiturën “Një horizont i ri plot dritë e shpresë!”

Foto e publikuar nga Ilir Meta

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.