Rama i drejtohet me tone të ashpra kryebashkiakes: Boll fole se të nxora jashtë!

Politikë | 4 vite më parë

Kryeministri Edi Rama ka vijuar edhe këtë të shtunë takimin me kryetarët e Bashkive, ku po diskutohet mbi bilancet e qeverisjes vendore, në vigjilje të sezonit të fundit të mandatit të tyre.

Një incident u regjistrua në këtë takim, ku teksa po mbante fjalën kryebashkiaku i Lezhës, Pjerin Ndreu, Rama ka reaguar ashpër ndaj kryetares së bashkisë së Patosit, Rajmonda Balilaj, e cila po bisedonte me zë të ulët me një koleg të saj.

Kryeministri Rama i ka tërhequr vëmendjen që të ndalojë së bëri muhabet, duke e paralajmëruar se do e nxirrte jashtë.

“Ça janë këto muhabete, pse i flet atij?! Do të nxjerr jashtë. Me ty e kam. Jo me ty jo, me Rajmondën. Po boll tani, boll!”, tha Rama.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.