Kuvendi i Shqipërisë miraton rezolutën kundër raportit të Dick Marty-t

Politikë | 4 vite më parë

Kuvendi i Shqipërisë miratoi të enjten me 125 vota pro, 0 kundër dhe 0 abstenim Rezolutën “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”.

Gjithashtu Kuvendi miratoi me 81 vota pro, 8 kundër dhe 19 abstenim Rezolutën mbi veprimtarinë e Inspektoriatit të Lartë të Deklarimit dhe Kontrollit të Pasurive dhe Konfliktit të Interesave për vitin 2021.

Kuvendi miratoi me 81 vota pro, 35 kundër dhe 4 abstenim Rezolutën mbi veprimtarinë e Komisionit Qendror të Zgjedhjeve për vitit 2021.

Kuvendi miratoi me 107 vota pro, 6 kundër dhe 7 abstenim Rezolutën mbi veprimtarinë e Autoritetit për të Drejtën e Informimit mbi Dokumentet e ish Sigurimit të Shtetit (AIDSSH) për vitin 2021.

Kuvendi miratoi me 111 vota pro, 3 kundër dhe 7 abstenim Rezolutën mbi veprimtarinë e Avokatit të Popullit për vitin 2021.

Kuvendi miratoi me 126 vota pro edhe projektligjin “Për ratifikimin e marrëveshjes, ndërmjet Republikës së Shqipërisë dhe Konfederatës Zviceriane, për mbrojtjen shoqërore”.

Kuvendi miratoi me 80 vota pro, 45 kundër 1 abstenim projektligjin “Për shpalljen e moratoriumit të gjuetisë në Republikën e Shqipërisë.

Kuvendi miratoi me 76 vota pro, 44 kundër, 2 abstenim projektligjin “Për disa ndryshime dhe shtesa në ligjin nr.13/2015, “Për Policinë Ushtarake në Forcat e Armatosura të Republikës së Shqipërisë”.

Kuvendi miratoi me 124 vota pro dhe 1 abstenim projektligjin “Për Regjistrin Kombëtar të të Dënuarve për Krime Seksuale”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.