Kryeministri Edi Rama ndodhet në Selanik ku do të marrë pjesë në samitin e Procesit të Bashkëpunimit të Europës Juglindore që po mbahet në Greqi.

Rama ka ndarë momente nga takimi me të gjithë liderët e pranishëm në samit dhe pritja e bërë nga kryeministri grek Kyriakos Mitsotakis, i cili më herët i bëri thirrje BE-së që deri në 2033 Ballkani Perëndimor të jetë anëtarësuar në familjen europaine.

Në samit marrin pjesë 12 shtete Shqipëria, Maqedonia e Veriut, Bosnja dhe Hercegovina, Bullgaria, Kosova, Kroacia, Mali i Zi, Moldavia, Rumania, Rumania, Serbia dhe Turqia, për të biseduar rreth thellimit të bashkëpunimit me vendet e rajonit dhe partnerët ndërkombëtarë për të garantuar paqe, siguri, stabilitet, zhvillim ekonomik, politik e shoqëror në rajon. Pjesëmarrës në këtë takim do të jenë edhe presidentja e Komisionit Europian, Ursula Von der Leyen, presidenti i Këshillit, Charles Michel dhe kancelari gjerman Olaf Scholz.

/rtsh.al/