Meta firmos live nga Stambolli dekretin për lirimin nga detyra të Bajram Begajt, i hapet rruga për votimin si President

Politikë | 4 vite më parë

Presidenti Ilir Meta, i cili ndodhet për një vizitë zyrtare në Stamboll, ka firmosur live dekretin e lirimit nga detyra të Shefit të Shtabit të Përgjithshëm të Forcave të Armatosura të Republikës së Shqipërisë duke nxjerrë në lirim nga shërbimi aktiv në Forcat e Armatosura, të Gjeneralmajor Bajram Begaj.

Ky vendim i hap rrugë kandidaturës së Bajram Begajt, të propozuar nga PS, që të votohet si presidenti i 8-të i Republikës, sot në orën 18.00 në Kuvend.

Pas një komunikimi telefonik më herët me ministrin e Mbrojtjes, Niko Peleshi, Meta tha se do të respektojë votën e Kuvendit, ndërsa ka firmosur dekretin. Bajram Begaj tashmë që është kandidat zyrtar për President Republike, pasi ka marrë 37 firma deputetës socialistë që janë dorëzuar në Kuvendin e Shqipërisë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.