Ish-sekretari Amerikan i Shtetit, Mike Pompeo në Tiranë! Të hënën aktivitet me Kuvendin, nderim nga UT dhe vizitë te MEK

Politikë | 4 vite më parë

Ish-sekretari Amerikan i Shtetit, Mike Pompeo ka mbërritur në Tiranë, në vizitën e tij të parë në vendin tonë. RTSH.al mëson se Pompeo ka mbërritur rreth orës 16:00, ndërsa është pritur nga Kreu i Grupit Parlamentar të PS-së, Taulant Balla.

Pompeo ndodhet në Shqipëri pasi do të vlerësohet me titullin e nderit “Doctor Honoris Causa”. Ceremonia do të organizohet ditën e nesërme (16 maj), ndërsa titulli do t’i jepet nga Universiteti i Tiranës. Po ashtu, ish-sekretari Amerikan i Shtetit do të marrë pjesë edhe në një aktivitet të Kuvendit, kur prite të flasë edhe kryeministri, Edi Rama.

Pas këtij aktiviteti, Pompeo do të zhvillojë një vizitë në kampin e muxhahedinëve, ku janë strehuar anëtarë të opozitës iraniane MEK.

Mike Pompeo ka qenë sekretar i Shtetit Amerikan gjatë kohës kur presidenti i SHBA ishte Donald Trump.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.