Mbërrin sot në Tiranë Komisioneri i BE për Zgjerimin, axhenda e takimeve

Politikë | 5 vite më parë

Mbërrin sot në Tiranë Komisioneri i BE për Zgjerimin dhe Fqinjësinë e Mirë , Oliver Varhelhyi. Lajmi u bë me dije dy ditë më parë nga delegacioni i Bashkimit Evropian në Shqipëri.

Varhelhyi do të takohet me Kryeministrin Edi Rama, për të vijuar më pas takimin me komunitetin shqiptar të biznesit.

Më tej, Komisioneri për Zgjerimin dhe Fqinjësinë e Mirë do të vizitojë konviktet e studentëve që po rehabilitohen përmes Planit Ekonomik dhe Investimeve të BE-së si dhe do të inaugurojë dy shkolla të rindërtuara përmes programit EU4Schools.

Vizita e Varhelhyi-t në Shqipëri, vjen pas një turi takimesh që zyrtari i lartë i BE do të zhvillojë në Ballkanin Perëndimor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.