Dorëheqja e Bashës, Berisha: Të punojmë së bashku për një PD më të bashkuar!

Politikë | 5 vite më parë

Ish-kryeministri Sali Berisha reagon pas dorëheqjes së Lulzim Bashës nga detyra e Kryetarit të PD. Në një status në rrjete sociale Berisha shkruan se bashkimi i demokratëve është përparësia e PD-së. Berisha fton demokratët kudo që janë të punojnë për një Parti Demokratike më të bashkuar, më të fortë, më të hapur.

“Bashkimi i demokrateve mbi bazën e kontributeve të tyre është përparësia e PD! Të dashur miq, rikthimi tek vota e lire e çdo demokrati dhe njohja e kontributeve te gjithësecilit është rruga e vetme qe sjell bashkimin dhe me pas fitoren e PD.

Ftoj demokratët dhe demokratët kudo që janë të punojmë së bashku për një Parti Demokratike më të bashkuar, më të fortë, më të hapur. Rroftë Partia Demokratike!”, shkruan Berisha.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.