Kryetarja e LSI-së, Monika Kryemadhi ka zbuluar për herë të parë se çfarë do të ndodhte nëse gjerat do të kishin shkuar ndryshe në 25 prill dhe zgjedhjet të ishin fituar nga opozita.

Duke folur në emisionin “Dekalog” në RTSH24, Kryemadhi u shpreh se nëse zgjedhjet parlamentare do të ishin fituar nga opozita, do të ishte tërhequr nga politika, ndërsa Meta do të merrte mandatin e dytë si President.

 “Zgjedhjet e 25 prillit ishin një shkëputje përfundimtare për Monika Kryemadhin nga politika. Ne do të çonim në qeverisje LSI me PD, ku zoti Basha do të bëhej kryeministër, më pas zoti Meta do të merrte mandatin e dytë të presidentit dhe unë do të shkoja në pozicionin si bashkëshortja e presidentit dhe do të tërhiqesha nga politika. Dhe kjo ishte një nga arsyet që në listat e LSI ishin 99 % me të rinj. Me 3-4 elementë të themelimit të LSI që ishin pjesë e themelimit. E gjithë pjesa tjetër ishin komplet të rinj. Ishin nga bota akademike, profesionistë të rinj, të shkolluar jashtë shtetit. Kjo ishte dhe arsyeja që në si LSI po i jepnim një hapësirë zotit Basha për ta marrë PD, për të thënë që ky është kryetari i PD” – tha Kryemadhi.