Veliaj te Komisioni i Inceneratorëve: Mërtirin e njoh nga fotot me anëtarë të PD-së, nuk kam njohje personale!

Politikë | 5 vite më parë

Kryetari i Bashkisë së Tiranës, Erion Veliaj ka dëshmuar këtë të martë në Komisionin e Inceneratorëve.

I pyetur nga kryetarja e komisionit, Jorida Tabaku për inceneratorin e Tiranës dhe nëse ka njohje me personat e shpallur në kërkim, Klodian Zoto dhe Mirel Mërtiri, Veliaj u shpreh se nuk ka njohje personale dhe as ka komunikuar me ta.

Debati:

Tabaku: A e njihni Klodian Zoton apo Mirel Mërtirin?

Veliaj: E kam parë në fotografi me Gert Bogdanin që ka qenë në atë kohë drejtues i marrëdhëive me jashtë në PD.

Tabaku: A keni bërë udhëtime me ta?

Veliaj: Nuk kam bërë asnjë udhëtim, por jam informuar për udhëtimin e tyre në Zimbabve me zyrtarë të PD.

Tabaku: A keni pasur komunikim me telefon?

Veliaj: Nuk kam kryer asnjë udhëtim apo komunikim. Jam njohur nga mediat se drejtues të PD-së kanë udhëtuar me ta. Pra, nëse i njoh vetëm përmes medias me udhëtimin e tyre në Zimbabve. I njoh vetëm nga portalet për udhëtimin e tyre në Zimbabve me drejtues të PD.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.