Ambasada e Shteteve të  Bashkuara të Amerikës  në  vendin tonë, vlerëson Gjykatën Kushtetuese se po demonstron pavarësi dhe integritet. 

Nëpërmjet një statusi në faqen zyrtare, dhe pas vendimit të Kushtetueses që rrëzoi kërkesën e Kuvendit për shkarkimin e presidentit Ilir Meta, ambasada Amerikane thekson se Shtetet e Bashkuara mbështesin zbatimin Reformës në Drejtësi.

“Gjykata Kushtetuese e Shqipërisë e cila u bë funksionale në dhjetor të vitit 2020,po demostron aftësinë për të përmbushur funksionin e saj parësor dhe thelbësor duke shqyrtuar faktet dhe argumentat e paraqitura nga palët përkatëse, duke diskutuar mbi këto fakte dhe argumenta në bazë të Kushtetutës  dhe duke dhënë vendime që pasqyrojnë pavarësi dhe integritet. Shtetet e Bashkuara mbështesin fuqmisht zbatimin e Refomës në Drjtësisë, përfshi një gjyqësor profesional, të pavarur, si institucion thelbësor për të garantuar shtetin ligjor ,si dhe ndarjen dhe balancimin e pushteteve“, shkruhet në deklaratën e publikuar në faqen zyrtare të ambasadës në rrjetin social Facebook.