Ish-kyeministri Sali Berisha i cili po udhëheq një lëvizje për rithemelimin e PD, i është përgjigjur akuzave të kryetarit aktual të kësaj partie Lulzim Basha. Ky i fundit e ka akuzuar zotin Berisha se ja ka dorëzuar partinë presidentit Ilir Metës. Më parë grupimi i Berishës dhe LSI, diur parti aleate e PD, kanë deklaruar se do të futen bashkë në zgjedhjet e 6 marsit.

“A mund ti përgjigjesh një njeriu  që në dy fjalë thotë tre gënjeshtra?  U servir ju jo 7 x 7 bëjnë 42, 1958 për 5004 dhe njeriut që rri i rrethuar si në bunker” u tha zoti Berisha gazetarëve.

ai tha se nuk ka asnjë koment personal për kandidatët e PD, ndërsa shtoi se anëtarësia e saj i zgjodhi vetë kandidatët e saj.

“Komente personel për të nuk kam. Ata janë faktikisht janë kandidatë të Lul bravës dhe s’kanë asgjë me anëtarësinë. Anëtarët e PD kanë sot kandidatët e propozuar prej tyre” tha zoti Berisha. 

Pas deklaratave të ish-kryeministrit ka reaguar PD.  “Kandidatet e Shtëpisë së Ilirit, nuk mund të përfaqësojnë kurrë demokratët. Berisha u strehua tek Meta për t’u mbrojtur nga “Non Grata”, Meta kërkon të përdorë demokratët për të rritur pazarin tek Rama siç bëri në 2013-n. Të zgjedhësh Berishën e Metën, mban Ramën”, thekson deklarata e PD.