BE pas ngjarjeve në selinë e PD: Nuk duhet të ketë vend për dhunë në politikë!

Politikë | 5 vite më parë

Delegacioni i Bashkimit Evropian në Tiranë u ka bërë thirrje të gjitha palëve të ushtrojnë qetësi dhe përmbajtje, pas ngjarjeve të ndodhura në selinë e PD ku përkrahës të ish kryeministrit Sali Berisha kërkuan të hynin me forcë dhe të vendoseshin në godinë.

“Nuk duhet të ketë vend për dhunë në politikë. Të gjithë të përfshirët kanë përgjegjësinë të sigurojnë që demonstratat të zhvillohen në mënyrë të rregullt dhe paqësore dhe të garantojnë sigurinë e të gjithë njerëzve të pranishëm”, shkruhet në postim.

Për BE-në, rruga e integrimit të Shqipërisë ka nevojë për një opozitë solide që kontribuon në agjendën e reformave të vendit, duke iu përgjigjur aspiratës së popullit shqiptar, shumica dërrmuese e të cilit dëshiron ta shohë Shqipërinë në BE” shprehet BE në deklaratë..

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.