Nikolla: Rikthimi i dënimit me vdekje, nuk është gjëja e duhur!

Politikë | 5 vite më parë

Paraditen e sotme në sheshin “Skënderbej” është zhvilluar një marshim paqësor kundër dhunës ndaj fëmijëve. Pjesëmarrëse në marshim, kryetarja e Kuvendit, Lindita Nikolla theksoi se vrasja e 8-vjeçarit, është një ngjarje e rëndë por rikthimi i dënimit me vdekje nuk është vendim i duhur, dhe nuk është një vendim i cili duhet marrë në bazë të emocioneve të forta. “Patjetër Shqipëria është pjesë e BE, dhe sinqerisht unë nuk mendoj që ky dënim dhe kthimi pas në këtë vendim do të jetë gjëja e duhur.,. Ka shumë momentet të tjera, por janë vendimmarrje që nuk duhen marrë në emocione të forta”, tha më tej Nikolla, ndërsa shtoi se Parlamenti po adreson një ligj që lidhet me regjistrin e dhunuesve.
Pas sheshit “Skënderbej” marshimi i qytetarëve ka vijuar përgjatë bulevardit “Nënë Tereza”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.