Ambasadorja Kim reagon pas dënimit të Llallës: Të goditen zyrtarët, pavarësisht sa të fuqishëm janë

Politikë | 5 vite më parë

Ambasadorja amerikane në Tiranë, Yuri Kim, ka reaguar pas vendimit të Gjykatës së Posaçme të Apelit, për të dënuar përfundimisht me 2 vite burg, ish-kryeprokurorin, Adriatik Llalla. Diplomatja e SHBA nxiti prokurorët që të ndërmarrin veprime kundër zyrtarëve, pa marrë parasysh sa të lartë apo të fuqishëm janë ata.

“Është mirë të shihet drejtësia e vënë kundër zyrtarëve të korruptuar. Prokurorët duhet të vazhdojnë të ndërmarrin veprime kundër zyrtarëve, pa marrë parasysh sa të lartë apo të fuqishëm janë, të cilët keqpërdorin pozitën e tyre për t’u pasuruar. Askush nuk është mbi ligjin”, shkruan Kim.

Kujtojmë se Adriatik Llalla, prej shkurtit 2018 është “non grata” në SHBA, pasi DASH i ka ndaluar hyrjen në SHBA atij dhe familjarëve. Veç dënimit me dy vjet burg, Gjykata vendosi edhe konfiskim të pasurive, gati 22 mijë metra katrorë truall dhe një apartament në Durrës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.