Asambleja e OKB, kryeministri Rama takohet me presidentin Erdogan në Nju Jork

Politikë | 5 vite më parë

Kryeministri Edi Rama është takuar sot me presidentin turk, Recep Tayyip Erdo?an. Takimi mes dy liderëve është zhvilluar në Nju Jork gjatë punimeve të Asamblesë së 76-të të OKB-së, ku kanë diskutuar për marrëdhëniet dypalëshe dhe rritjen e bashkëpunimit.

“Presidenti Rexhep Tajip Erdogan u takua me kryeministrin shqiptar Edi Rama në Nju Jork, ku ai ndodhet për Asamblenë e 76 -të të Përgjithshme të Kombeve të Bashkuara (OKB)”, thuhet në një postim nga faqja në Facebook e qeverisë turke, ku është publikuar dhe fotoja e takimit mes Ramës e Erdogan.

Gjatë qëndrimit në Nju Jork, ku do të mbajë fjalën në Asamblenë e OKB-së, kreu i qeverisë shqiptare ka zhvilluar takime edhe me liderë të tjerë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.