Presidenti i Republikës, Ilir Meta ka përshendetur zgjedhjen e Lindita Nikollit si kryetare e Parlamentit. 

“Urime Kryetares të zgjedhur sot nga Kuvendi i ri i konstituar i Republikës së Shqipërisë! Më në fund kemi mbyllur dy vitet më të errëta të historisë tonë parlamentare, në këto tre dekada, me pasoja shumë të rënda dhe afatgjata për demokracinë, shtetin e së drejtës, integrimin europian dhe gjendjen ekonomike e sociale të qytetarëve tanë”, thekson Meta.

Ndërsa presidenti njeherësh ka dhënë një mesazh për opozitën mbi rolin që duhet të ketë brenda institcioneve. “Tani asnjë sekondë bojkot, nuk ka vlerë dhe kuptim! Mbështetje për Kryetaren e zgjedhur, Sh.S.Znj Lindita Nikolla dhe bashkëpunim për interesin e përbashkët të forcimit të demokracisë, shtetit të së drejtës, rivendosjes së llogaridhënies në Kuvend dhe respektimin e Kushtetutës së Republikës së Shqipërisë’, shkruan Meta në mesazhin e tij.