Rama me liderët e rajonit diskutojnë për zhvillimet ndërkombëtare

Europë | 2 vite më parë

Ndërsa në Budapest po mbahet takimi i Komunitetit Politik Europian, kryeministri Edi Rama dhe disa udhëheqës shteti diskutuan të enjten për zhvillimet ndërkombëtare.

Në mbledhjen kokë-më-kokë morën pjesë presidenti turk Reccep Tayyip Erdogan, kryeministri grek Kyriakos Mitsotakis dhe kreu i shtetit të Qipros, Nikos Christodoulides.

Takimi u reflektua me postime edhe në rrjetet sociale nga zëdhënësit e liderëve pjesëmarrës.

Komuniteti Politik Europian bëri bashkë në Hungari krerët e 47 shteteve.

Në agjendën e diskutimeve u shtruan çështje si konkurrueshmëria e Bashkimit Europian, qëndrimet gjeopolitike të Europës përballë kërcënimeve dhe mbrojtja e kontinentit.

Pjesëmarrësit shkëmbyen pikëpamjet e tyre edhe për rezultatin e zgjedhjeve presidenciale në Shtetet e Bashkuara të Amerikës dhe domethënia e tyre në fushën politike të BE-së.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.