“KFOR-i është i përkushtuar ndaj përpjekjeve të bashkësisë ndërkombëtare për siguri të përhershme në Kosovë dhe në rajon”, kështu ka deklaruar komandanti i misionit paqeruajtës të forcave të NATO-s në Kosovë, gjeneralmajor Ozkan Ulutash, gjatë një takimi me kreun e Zyrës së BE-së në Prishtinë, Tomas Sunioga, ambasadorët e vendeve anëtare të BE-së dhe shefin e EULEX-it, gjeneral-major Giovanni Pietro Barbano.

“U shkëmbyen mendime për disa tema, duke përfshirë aktivitetet e KFOR-it, bashkëpunimin e KFOR-it me Policinë e Kosovës dhe EULEX-in dhe përpjekjet e vazhdueshme të tij për sigurinë në mbështetje të dialogut të ndërmjetësuar nga BE-ja ndërmjet Beogradit dhe Prishtinës”, thuhet në deklaratën e KFOR-it në Facebook.

Më tej, Ultash vuri theksin te përkushtimi i palëkundur i KFOR-it për të mbështetur të gjitha përpjekjet e bashkësisë ndërkombëtare, për stabilitetin dhe sigurinë në Kosovë dhe për paqen në rajon.

/rtsh.al/