Situata në Kosovë dhe dialogu me Prishtinën, Vuçiq takohet me ambasadorin Hill

Rajon | 3 vite më parë

Presidenti i Serbisë Aleksandër Vuçiq (Aleksandar Vuçic) është takuar këtë të enjte (11 janar) me ambasadorin e SHBA-së në Serbi, Kristofer (Christopher) Hill, për përmirësimin e marrëdhënieve dypalëshe politike dhe ekonomike, situatën në Kosovë dhe vazhdimin e dialogut me Prishtinën.

Vuçiq ka deklaruar në llogarinë në rrjetin social Instagram se në bisedën me Hill kanë konfirmuar përkushtimin e tyre për ruajtjen e paqes dhe stabilitetit në rajon dhe forcimin e miqësisë dhe bashkëpunimit ndërmjet Serbisë dhe SHBA-së.

“Një bisedë e hapur me ambasadorin Christopher Hill për përmirësimin e mëtutjeshëm të marrëdhënieve politike dhe ekonomike serbo-amerikane. Diskutuam edhe pozicionin ndërkombëtar të Serbisë, situatën në Kosovë dhe vazhdimin e dialogut me Prishtinën”, ka shkruar Vuçiq pas takimit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.