Anëtarësimi i Maqedonisë së Veriut/ Kovaçevski: Përfundimi i negociatave me BE-në deri në vitin 2030

Rajon | 4 vite më parë

Kryeministri i Maqedonisë së Veriut, Dimitar Kovaçevski ka bërë të ditur se objektivi i vendit është që të anëtarësohet në BE deri në 2030. Ai tha se qeveria ka marrë vendim për krijimin e një strukture për negociata për anëtarësimin e vendit në BE për të ecur më shpejtë me hapat

“Përfundimi i negociatave deri në vitin 2030 është objektivi që i kemi vendosur vetes. Është realist dhe i arritshëm. Dhe jam shumë i bindur se Maqedonia e Veriut do të jetë pjesë e zgjerimit të ardhshëm të Unionit. Do të punojmë gradualisht që vendi ynë të jetë i barabartë me të gjitha vendet anëtare”, tha Kovaçevski.

Kovaçevski i bëri gjithashtu thirrje opozitës që të përfshihet dhe të ndihmojë këtë proces në mënyrë që të mund të përfundojë sa më shpejt.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.